كل ما تريد معرفته عن سفر الصيادلة للإمارات ومجالات العمل هناك - الاجزاخنجي




سفر الصيادلة للعمل بالامارات 

اولا وقبل كل شئ لابد ان تعلم اننا سنتحدث عن اسهل الطرق وارخصها من حيث التكلفة لأن الحياة في المملكة العربية المتحدة (الإمارات) مكلفة وعلي حسب استهلاك الفرد ومعرفته بالبلد فهناك من يصرف يوميا 100 درهم وهناك من يصرف الف وهناك من يصرف ملايين .

كما اننا سنتحدث عن كل شئ من الطريقة الشرعية لدخول المملكة العربية المتحدة (الامارات) وحتي ان تجد عمل .

كما اننا سنتحدث عن مجالات الصيدلي المختلفة في الامارات لن نقتصر علي العمل بالصيدليات فقط او العمل بالشركات فقط سنتحدث عن مجالات مختلفة ان شاء الله تعالي .

خطوات السفر

الخطوة الاولي : طريقك للوصول للإمارات.

اولا انت بتسافر زيارة او سياحة ودي ارخص حاجه واسهل طريقة لدخول الامارات بعدها لما تدخل البلد بتبدأ تدور علي شغل او بتكون مضبط علي شغل زي ما حنشرح قدام ان شاء الله .

الاوراق المطلوبة للسفر لدولة الامارات كالاتى:
  • جواز سفر سارى به صلاحية زيادة عن 6 شهور.(بيخلص من مكاتب الجوازات تكلفته حوالي 360 جنيه مصري).
  • تصريح سفر حسب موقفك من التجنيد.(من التجنيد تكلفته حوالي 200 جنية مصري).
  • اذن دخول الدولة او التأشيرة السياحية و يفضل طباعتها الوان.(مكتب سفريات ودي بتختلف من وقت للتاني يعني مثلا في الشتاء بتكون اغلي لان الاقبال علي الامارات بيكون كتير في الوقت ده وارخص في الصيف طبعا يعني في الصيف بيتكون بحوالي 3500 الي 4000 اما في الشتاء بتوصل ل 7000 )
  • تذكرة طيران ذهاب و عودة.(مكب سفريات هو اللي بيحجزلك تكلفته بتختلف من وقت للتاني لكن بحد اقصي 6000 جنيه مصري وفي مكاتب بتعملك تذكرة ذهاب بس وابتعملك ليها عودة وهمية ودي بتكون ارخص في السعر).
  • مصروف جيب لا يقل عن الف دولار او ما يعادله درهم( المبلغ ده بيستعلمو عنه في المطار وانت مسافر علشان يتأكدو انك مسافر للسياحة ويمكن التغاضي عنه لو قدرت تتصرف في رقم تليفون شخص في الامارات بيكلمهم انه قريبك وانت رايح زياره له ).
دا كده بيكلفك من 10000 الى 15000 جنيه شامل كل المصاريف حتي وصولك للإمارات( بدون طبعا مصاريف الجيب الالف دولار ده انت وشطارتك ).

الخطوة الثانية: الإقامة والسكن :

ده متوفر جدا في الامارات والامارات مليانه سماسرة شقق لكن انت ممكن المكتب يشوفلك سكن او يكون ليك حد تعرفه هناك تروح عليه او تحجز سكن قبل ما اتسافر او بعد ما اتسافر وحيساعدك طبعا في ده الجروب المشهور سكني شكرا وسيط مجاني للسكن في الامارات رابط الجروب اضغط هنا .

اغلي حاجتين في الإمارات المواصلات ومن بعدها السكن وانت وشطارتك فيهم طبعا 
السكن علشان غالي بيكون في الغالب بالسرير تحجز سرير بيكون سعره في الشهر حوالي 250 درهم .وبيختلف طبعا من مكان للتاني والافضل ان السكن يكون جنب المترو علشان يوفر عليك في الفلوس والوقت علشان مشكله المواصلات هناك ان كلها تاكسي مفيش زي مصر عندنا اتوبيسات نقل حكومي وميكروباص والحجات دي لعند لما تلاقي شغل كويس ان شاء الله وجروب سكني شكرا مهم جدا حيفيدك .

الخطوة الثالثة: ازاي ادور علي شغل في الامارات :

اولا لازم تعرف ان الانترنت شئ اساسي في الامارات فالشركات والصيدليات وكل كيان هناك بيعتمد عليه وكمان لازم تعرف واكيد انك عارف ان الانجليزي اساسي في الامارات علشان تلاقي فرصه شغل كويسه وعلشان تعيش مرتاح هناك عليك باللغة الانجليزيه ومش مهم الشهادات والكورسات المهم مستواك فيها .

ولازم طبعا يكون معاك سيرة ذاتية CV محترم  فسيرتك الذاتية هي الجزء الأكثر أهمية في مهمتك في الامارات للبحث عن وظيفة.

ممكن تتعلم تعمله ازاي من الموقع ده اضغط هنا

وممكن تعمله من الموقع ده اضغط هنا

ولا تنسي ان ترفق cover letter  لسيرتك الذاتية وهذه المواقع سوف تساعدك  
     اضغط هنا(1)         اضغط هنا (2)

(( ونصيحة ستحتاج إلى عدد كبير من السير الذاتية المطبوعة ، لذلك أقترح زيارة أقرب كارفور أو هايبرماركت لشراء طابعة الوان بأسعار معقولة حوالي (100-200 درهم) ، لأنك ستحتاج إلى طباعة حوالي 60 نسخة ملونة من سيرتك الذاتية (أكثر أو أقل) ، وبالتالي فإن المكاتب تطبع النسخة واحدة بحوالي 3 درهم !!))

كده اتكلمنا عن اهم 3 حجات للعمل في الامارات الانترنت والإنجليزي والسيرة الذاتية
لو معاك التلاته دول الحمد لله نبدأ ندور علي شغل دا لو انت مش مضبط شغل اصلا قبل كده.

علشان تدور علي شغل اساسي لازم تتعامل بالانترنت وتبعت سيرتك الذاتية للوظايف اللي عاجباك .

اهم ثلاث مواقع في الإمارات هم دول ابحث عليهم حتلاقي عليهم وظايف كتير وسكن كمان :

gulfnews
dubizzle
waseet

وفي تطبيق اسمه mourjan للوظايف جميل جدا خليه معاك  اضغط هنا
وده الموقع بتاعه اضغط هنا 


*** ودا ملف جامد حتلاقي فيه الصيدليات والشركات الطبية بانواعها وعناوينها وارقام تليفوناتها وايميلاتها.       للتحميل اضغط هنا 





اهم جزء معانا هو الجزء الجاي مجالات عمل الصيدلي بالإمارات.




مجالات عمل الصيدلي بالإمارات 

لازم الاول تكون محدد انت عايز تشتغل ايه 

- A Pharmacist (licensed). صيدلي مرخص بمزاولة المهنة بالإمارات 
- Trainee pharmacist ( not licensed).صيدلي غير مرخص يعني متدرب 
- Medical Sales Representative.مندوب مبيعات بشركات الأدوية
- Insurance companies.شركات تأمين 
- Medical Coder.مبرمج طبي 
- Regulatory Affairs officer.مسئول الشئون التنظيمية بالشركات والمصانع
- Quality Control .مراقب جودة

A- licensed pharmacist

هذا التخصص لازم يكون معاك ترخيص مزاولة المهنه في الامارات وده بتخلصه قبل ما تيجي الامارات افضل عن طريق امتحان زي امتحان البرومتريك بتحجزه في مكاتب حجز امتحان البرومترك وابتمتحن قبل ما اتسافر وابتعمل بردو داتا فلو قبل الامتحان  وبيختلف من اماره للثانية  كالاتي:

DHA for Dubai .
MOH for Shj and Northern Emirates.
HAAD for Abu Dhabi and Al-Ain .

 وفي صيدليات بتيجي تعمل مقابلات في مصر لان بقا في مجموعات كتير في الامارات حاليا وتوسع في الصيدليات هناك فتجد مجموعه زي النهدي السعودية نزلت الامارات ومجموعات مصرية بتفكر تنزل او نزلت فعلا .وبعد المشاكل اللي بدأت تقابل الصيادلة المصريين في السعودية اللي كانت هي هدفهم الاول بدأ صيادلة مصريين يحاولو يسافرو الامارات للبحث عن مجالات هناك وبدأت صيدليات تستغل الموقف ده وتنزل مصر تدور علي صيالة للبحث عن بديل عن الهنود فاكبر مشكلة حتقابل اي شخص هناك في الامارات سواء صيدلي او غير صيدلي هي الهنود لانهم في الامارات من زمان وفاهمين الدنيا هناك كويس وبيعرفو يتعاملو ولغتهم الانجليزية كويسه الي حد ما لكنهم ملهمش في اللغة العربية ففي صيدليات بتفضل العرب . لكن مشكلتهم ان الهنود بينزلو الرواتب جامد لانهم بيرضو بأقل راتب علشان فرق العملة الكبير بين عملة الامارات وعملة الهند ووصل الضرر ده لاصحاب الجنسيات الاماراتية نفسهم ...دي نقطه كان لازم ننبه عنها .

وده عنوان مكتب  بيونير pioneer بيوفر فرص للعمل بالامارات للصيادلة في مصر:
 12 عمارات رامو شارع عمر ابن الخطاب متفرع من شارع النصر مدينة نصر بالقاهرة
ارقام تليفونه:
01006075286
0223054391
0223054392
01006075284
ودي صفحته علي الفيسبوك اضغط هنا

راتب الصيدلي في الحالة دي لو معاه الترخيص يتراوح بين 6 الي 9 الاف ربما اكثر او اقل علي حسب امكانياتك وحاجة العمل لكن ده هو الراتب الشائع .

ولمعرفة المزيد عن هذه الوظائف والمتطلبات ، يرجى الانضمام إلى هاتين المجموعتين المشهورتين :




تبحث عن الصيدليات وتعطيهم سيرتك الذاتية الطريقة التقليدية الشائعة في الإمارات للبحث عن صيدليات للعمل بهذه الطريقة:

افتح GPS واكتب صيدلية pharmacy ستظهر لك الصيدليات القريبة منك قم بزيارتها واسألهم عن عمل واترك سيرتك الذاتية لديهم وابدأ بمجموعات الصيدليات قبل الصيدليات الفردية.

B- Non licensed pharmacist or Trainee pharmacist:

صيدلي لم يحصل علي الترخيص وده فرصته الوحيده انه يشتغل كمتدرب في الصيدليات ومعظم الصيدليات الصغيره لا تعطي مقابل لذلك اما المجموعات فقد تعطي راتب بسيط يتراوح بين 2 الي 3 الاف درهم شهريا ولكن فرصها قليله.

ملحوظه:
لكي تحصل علي الترخيص في الامارات لابد من العمل سنتين كمتدرب بصيدليات الامارات او تحضر شهاده خبره من بلدك الام بخبره سنتين. يعني لابد من الخبره سنتين بعد التخرج شرط اساسي لدخول امتحان الرخصة.


C- Medical Sales Representative:

هذه الوظيفة كما هو معتاد عنها لابد من توافر شروط لتتمكن من العمل فيها بالإمارات :

1- رخصة قيادة سيارة : يعني يكون لديك خبره في قياده السيارة والافضل ان تكون لديك رخصة قيادة اماراتية لكن قد يتم التغاضي عنها اذا كنت تملك رخصه قياده في بلدك وتقود منذ فترة جيدة.

2- الخبرة :تفضل معظم الشركات ان يكون لديك خبرة سابقة في العمل كمندوب للادوية لكن هناك شركات اخري تفضل حديثي التخرج مثل فايزر Pfizer وجلفار Julphar وفارمالينك pharmalink وشركات المستحضرات التجميلية خاصه الاناث.          

الراتب : يتراوح الراتب في هذا المجال من 8 الي 15 الف درهم شهريا علي حسب الشركة والخبرة.

كيف تبحث عن عمل كمندوب مبيعات  للأدوية بالإمارات:

هذه أربع جروبات فيس بوك مشهور:


:D- Health insurance

والعمل فيها علي نوعين كالاتي :

1) Claims processing officer : your job means that all claims submitted by pharmacies, clinics or hospital have to pass by you to clear and proceed with billing and payments.
No specific education or certificate is required, however, previous experience of the insurance companies market is Favored.

وظيفتك هنا تعتمد على حل المشاكل ومعالجة المطالبات المقدمة من المتعاقدين مع شركتك من صيدليات ومستشفيات وغيرها وهي لا تحتاج لمستوى تعليمي مرموق ولكن تحتاج لخبرة في سوق العمل بشركات التأمين.

2) Authorization department: in this department you give approvals for the healthcare providers for all procedures, lab. analysis or medicines, based on what the network coverage. again no specific education is required and previous knowledge of the insurance market and process in UAE is a plus point.

وظيفتك هنا تعتمد علي إعطاء الموافقات على كل عملية من تحاليل وادوية عن طريق الانترنت او كتابيا وهي لا تحتاج لمستوى تعليمي مرموق ايضا او خبره لكن لو كان لديك خبرة تعتبر نقطه اضافيه للقبول بالوظيفة.

الراتب يختلف علي حسب الشركة ونوع عملك فيها وخبرتك لكنها تتراوح في المعتاد من 3 الي 8 الاف درهم شهريا.

: مبرمج طبي E- Medical Coder

نظرًا لأن جميع عمليات التأمين في الإمارات تتم من خلال أنظمة الإنترنت ، فإن وظيفة الترميز الطبي أصبحت الآن متطلبات متزايدة لجميع مقدمي الرعاية الصحية.
لتبسيط ذلك ، يتم تحديد كل تشخيص عبر الإنترنت برمز يسمى "رمز التصنيف الدولي للأمراض(ICD Code)" وأيضاً لكل دواء وإجراء رموز خاصة به. للتأكد من أن عملية الموافقة على التأمين تسير بسلاسة وبشكل صحيح. يجب على كل مقدم رعاية صحية التأكد من تحديد الرموز وتثبيتها على نظامهم. هنا تأتي وظيفة المبرمج الطبي (Medical Coder) كما أنهم مسؤولون عن التعاقدات والتعريفات الجمركية للمستشفيات والعيادات والصيدليات مع شركة التأمين ، وكذلك ترميز السجلات الطبية لتسهيل عملية تقديم التأمين.

الراتب يتراوح من 8 الي 12 الف درهم شهريا.

كيف احصل علي عمل مبرمج طبي medical encoder ؟

تتطلب هذه الوظيفة شهادة ، ويجب اجتياز امتحان دولي. الدورات متوفرة في معهد التدريب في كل من دبي وأبو ظبي.


فيما يلي صفحات فيسبوك لمعهدين:

TransformED

Al Talouk Training center


:E- Regulatory Affairs Officer

يحتاج هذا النوع من العمل إلى صيدلي حتى يتمكن من فهم جميع المصطلحات وكافة الحرائك الدوائية والصيدلانية.

سيكون مسؤولاً عن الاتصالات بين شركته والمدير ، وواجبه هو إعداد الملف (يحتوي على الكثير من المتطلبات) للعناصر المسجلة الجديدة وتجديد تسجيل جميع العناصر.
هو الاتصال الرئيسي سيكون مع وزارة الصحة والسلطات الصحية إما في دبي أو أبو ظبي.


يوجد عدد محدود من هذه الوظائف الشاغرة في هذا النوع من الوظائف والإعلان عنها دائمًا داخل الشركة بنفسها أو من خلال اتصالات داخلية ، وفي بعض الأحيان قد تجد إعلانات.


:E- Quality Control Analyst

هي عمل الصيدلي في مصنع للادوية وتحتاج لبعض الخبرة للعمل بها وفرص العمل تنشر علي المواقع الخاصة بشركات الادوية ومن اشهرها:





وقبل ان ننتهي هذه مواقع قد تساعدك وصفحات فيسبوك قد تساعدك 




أخيرًا ، يجب أن أقول أن هذا العمل من صنع الإنسان ، وبالتأكيد ليس مثاليًا. آمل أن تجد هذا المجلد والبيانات مفيدة لتحقيق هدفك .













الاجزاخنجي
كاتب المقالة
كاتب ومحرر اخبار اعمل في موقع الاجزاخنجي كتب وكورسات طبية .

جديد قسم : عمل الصيادلة بالإمارات

إرسال تعليق