خطة ايلتس ielts للمستوي المتوسط (خطة مايكل)

.





خطة مايكل يوسف لمذاكرة IELTS 

اولا لازم تاخد بالك من الاتى:

1- الخطة فيها كلام كتير أقرأها بالراحة مرة و اتنين و خد ملاحظات علشان هتفهم انت هتعمل ايه بالظبط .
2- الخطة دي للناس اللي عايزة تجيب 7 او اكتر و ان شاء الله لو التزمت هتجبها بسهولة.
3- الايلتس بيختبر مهاراتك في اللغة الانجليزية بس علشان تذاكر الخطة لازم يكون مستواك في اللغة متوسط بجد ، لو بدأت الخطة و لقيت نفسك مش فاهم حاجة يبقي مستواك تحت المتوسط.

4- ركز في الخطة و انسي اي حاجة تانية عن الايلتس مش ينفع يبقي عندك كتب و كورسات كتير و تشتت نفسك مش هتوصل لأي نتيجة ولا هتذاكر.

5- انت محتاج 3-4 ساعات يوميا على حسب قدراتك و استيعابك ممكن تخلصها اسرع او اكتر لكن اهم حاجه المداومة.

الخطة (5 شهور):


1- أول حاجة هتعملها هتنزل كتب كامبريدج 1 الي 11 



2- فيه كورسين للكلمات المهمة للايلتس


IELTS Vocabulary- Learn 300 Essential Words for IELTS.(كورس 300 كلمة ضرورية للايلتس)




IELTS Vocabulary Booster – 9 topics covered in one course




الشهر الأول في الخطة :  

أول اسبوعين : تبدأ بكورس 300 كلمة ضرورية للايلتس وجزء القراءة reading من كتب كامبريدج. 
المطلوب يوميا: تتفرج علي 3 فيديوهات في كورس ال 300 كلمة الضرورية للايلتس و بعدين هتبدأ في القراءة.
في خلال الأسبوعين تكون خلصت 15 قطعة قراءة من كتب كامبريدج و كورس ال 300 كلمة.

-هتقرأ قطع القراءة من الكتب (امشي بترتيب قطع القراءة في الكتب) و هتذاكر الفيديوهات في نفس الوقت علشان الكلمات والمرادفات أساس امتحان الايلتس.
-(لما بقول تقرأ اقصد تقرأ و تفهم و تترجم كل كلمة جديدة مش فاهمها و كل تعبير وخصوصا ال collocations تفهم معناها و هتحتاج قاموس انجليزي انجليزي علشان تفهم معني ال collocations و هتكلم عن القواميس في اخر الخطة)
(collocations:a word or phrase that is often used with another word or phrase, in a way that sounds correct to people who have spoken the language all their lives, but might not be expected from the meaning:
In the phrase "a hard frost", "hard" is a collocation of "frost" and "strong" would not sound natural.)

- المهم انك تفهم بتقرأ ايه و معاني الكلمات كلها و مشتقاتها ، الموضوع فعلا محتاج مستوي متوسط علشان تكون فاهم بتعمل ايه.


بعد أول اسبوعين: كورس ال vocabulary booster هتخلصه في يوم كمراجعة.


ملحوظة مذاكرة كلمات الفيديوهات يعني هتفتح القواميس و تشوف استخدام الكلمات في الجمل و تفهم الفيديو بيتكلم عن الكلمة و مشتقاتها و تشوف التعبيرات معاها و تستخدمها.

باقي الشهر (حوالي اسبوعين): هتخلص الكتاب المسموع اسمه Prime Suspect .

تحميل الكتاب

بالطريقة دي:
1- هتسمع الكتاب الأول مرتين.
2- هتقرأ الكتاب و تترجم كل الكلمات الجديدة و متخفش الكتاب صغير اوي مش كبير.
3- هتفتح الملف الصوتي وانت بتقرأ الكتاب بعينك مرتين.

في نفس الوقت هتاخد كل يوم كام كلمة من كورس ال 300 كلمة و تنطق الجمل العليهم من قاموس اكسفورد .

تحميل القاموس وشرح طريقة تثبيته علي الموبايل 

تحميل القاموس
تحميل شرح تثبيت القاموس



بكدا انت دلوقتي في شهر عرفت كلمات كتير و قرأت كتاب و استخدمت الكلمات كمان و بدأت تطور مهارة الاستماع عندك بشكل كويس سواء مع الكتاب المسموع أو بجمل قاموس اكسفورد.
======================
وماذا بعد انجاز مهام اول شهر؟ 

اول اسبوع في الشهر الثاني (الاسبوع الخامس):

دلوقتي انت محتاج نظرة عامة وشاملة عن الايلتس و اسلوب الامتحان علشان تعرف تفكر صح من البداية.

 عايزك تشوف كورس الايلتس 7 كامل وهو 24 ساعة يعني لو كل يوم اربع ساعات هتخلصه في حوالي اسبوع.

الكورس مناسب جدا للناس في المستوى المتوسط و العايزين درجة 7 في الامتحان او اكتر طبعا على حسب شغلهم. محتاج معاه بس كتاب Cambridge IELTS 7
الفيديوهات بتشرح كل شيء فعلا ، مفيش اجمل ولا احلي من كدا. بيعملك ايه المطلوب منك و بيشرح جميع انواع الاسئلة و بيحل معاك كمان.

كورس الايلتس 7 كامل

(( في كلمة سر على الملفات  michaelyoussef ))


Reading
IELTS7_Reading.rar اسم الملف بداخل الفولدر

Listening
IELTS7Listening.rar اسم الملف بداخل الفولدر

Speaking
IELTS7Speaking.rar اسم الملف بداخل الفولدر

Writing Task 1
IELTS7_Writing_Task_1.rar اسم الملف بداخل الفولدر

Writing Task 2
IELTS7WritingTask2.rar اسم الملف بداخل الفولدر




كدا فاضل في الشهر التاني 3 اسابيع ، مهم اوي تاخد بالك من اسلوب الحل و ملاحظات المدرب لان الايلتس له طريقة في الحل زي ما هتشوف ، مثلا في القراءة مش بتقرأ بهدف انك تفهم زي ما عملت في اول شهر ولكن كان لازم تعمل كدا في اول شهر علشان تاخد مهارة القراءة نفسها و تعرف كلمات كتير و تفهم الانجليزي اكتر.

(عندك دلوقتي 15 اسبوع باقيين و خلي بالك بتذاكر كل يوم اربع ساعات)


الاسبوع الثاني في الشهر الثاني (الأسبوع السادس):

 المطلوب منك دلوقتي في اسبوع واحد تخلص كتابين صغيرين

Tenses for Speaking

Correct your English


الكتب دي مهمة اوي و هتساعدك كتير في الايلتس و في الانجليزي بشكل عام ، تخلصهم في اسبوع لان المفروض مستواك متوسط و عارف اغلب المعلومات دي ، معاهم لازم تنطق مع قاموس اكسفورد كل يوم خمسين (50)جملة (بتكتب اي كلمة في القاموس و هتلاقي معاهم جمل كتير مخزنة)

الأسبوع الثالث في الشهر الثاني (الأسبوع السابع):

 دلوقتي عايزك في اسبوع تتفرج و تذاكر الكورسات دي مجرد فيديوهات كويس جدا و تكتب ملاحظات دايما كانك في محاضرة و تاخد بالك من تكوين الجمل و الفقرات و المقال في كورس الكتابة وفي كورس التحدث نفس الشيء.

IELTS Writing Task 2 Achieve Band 7+ 5 Hours


Get 7-9 in IELTS Speaking


- خلي بالك الكورسات دي لازم هتتفرج عليها مرتين في الاسبوع و هيكفي الوقت لانهم صغيرين.

(عندك دلوقتي 13 اسبوع باقيين)


كدا معانا 13 اسبوع لسا ، هتبدأ تدرب علي الامتحان و انت كدا مستعد ان شاء الله.

غالبا كدا انت معاك في كل مهارة 3 اسابيع و دا وقت كافي خصوصا كورس الايلتس 7 الكامل بيناقش كل شيء بس المرة دي انت هتمشي واره في التدريبات خطوة بخطوة و كل لما تتعلم اسلوب في الحل هتفتح الكتب و خصوصا كامبريدج 10 و 11 و تطبق اسلوب الحل نفسه زي ما شوفته في الفيديو علي امتحانات تانية فيها نفس التمرين.

يعني هتمشي ورا الكورس خطوة بخطوة في جزء القراءة و الاستماع و الكتابة ولكن في التحدث افضل تستخدم الكورس السابق و هو
Get 7-9 in IELTS Speaking


هتذاكر مهارة كل يوم و ابدأ بالقراءة يليها الاستماع يليها التحدث ثم الكتابة و عيد الموضوع تاني.

القراءة عدد الفيديوهات 45
الاستماع 24
الكتابة 47
دول من كورس الايلتس الكامل الهو 24 ساعة 

التحدث speaking :

هتاخد التحدث زي ما قلت لوحده من الكورس المنفصل في الفترة دي.


(Get 7-9 in IELTS Speaking)

القراءة Reading :

هتاخد كل يوم مهارة يعني القراءة 45 فيديو هتشوف المقدمة و الحاجات البسيطة دي و تدخل علي الموضوع نفسه لما تتعلم اسلوب تفتح اي كتاب و تدور علي امتحان فيه نوع الاسئلة دي و تعمله و تشوف الصح ايه و هكذا في الاربع ساعات ، هتاخد كل يوم 3 فيديو و هيبقي يومين قراءة في الاسبوع غالبا.

الاستماع Speaking :

الاستماع 24 فيديو ولكن دي حاجة مهمة جدا تدرب عليها ، في البداية ممكن تبدأ بالحل و لو لاقيت نفسك بتجيب درجات عالية تمام و ربنا يوفقك ولكن لو لاقيت انك مش فاهم حاجة يبقي لازم تقرأ الكلام و انت بتسمع الملف الصوتي و هتلاقي دا في اخر الكتاب تحت 
Audio Scripts .

الكتابة Writing :
الكتابة بقي مشكلة لناس كتير ولكن الكورسات دي المفروض انها تخليك كويس فيها بس مهم اوي تقرأ الاجابات بتاعت الامتحانات في اخر الكتاب وتشوف طريقة الكتابة و مفيش مانع تفتح الفيديوهات تاني و تقارن الاجابة مع الكورسات علشان تفهم اكتر.
في حاجة مهمة هتلاقي في اخر الكتب لجزء الكتابة جايبلك اجابة مثلا لواحد اخد 5 في الكتابة و بعدين اجابة مثالية و هكذا ، انت محتاج تقارن الاتنين و تشوف ليه جاب درجة وحشة. مفيش مانع انك تحلل الاجابة المثالية و تقارنها بالفيديوهات في الكورسات و الطريقة دي قوية جدا ممكن تخليك تجيب 8 ، و طبعا لازم تكتب انت كمان لان التمرين هو اساس الايلتس.


الكورسات دي احسن كورسات ايلتس ممكن تلاقيها في اي مكان و اهم شيء انك مش تتفرج علي الفيديو كدا دا مش فيلم ، لازم تاخد ملاحظات و تتفرج علي الفيديو اكتر من مرة و زي ما قلت انت هتطبق الموضوع بالمذاكرة ان شاء الله و بالتوفيق.

ملاحظة:
خطة IELTS General Training
هي نفس خطة ال Academic بس هتزود الكتاب الصغير الرائع دا 
اسمه

IELTS Writing Task 1 General Training Module


ان شاء الله لو اجتهدت في الخطة دي هتجيب 7 او اكتر ممكن 8 ان شاء الله.


الاجزاخنجي
كاتب المقالة
كاتب ومحرر اخبار اعمل في موقع الاجزاخنجي كتب وكورسات طبية .

جديد قسم : تعلم لغة

إرسال تعليق